சரியான பிராவைத் தேர்ந்தெடுப்பது என்பது பெண்களுக்கு எப்போதுமே பெரிய சவாலான விஷயம் தான். அதுவும் பிரா வாங்கும் போது "பேடட் பிரா (Padded Bra)" வாங்குவதா அல்லது "லைட்லி பேடட் பிரா (Lightly Padded Bra)" வாங்குவதா என்ற குழப்பம் பலருக்கும் இருக்கும். இரண்டுமே பார்ப்பதற்கு ஒரே மாதிரி தெரிந்தாலும், அவை தரும் சௌகரியம், சப்போர்ட் மற்றும் லுக் முற்றிலும் மாறுபட்டது.
உங்கள் உடலமைப்பு, அன்றாட வாழ்க்கை முறை மற்றும் நீங்கள் அணியும் உடைக்கு எந்த பிரா கச்சிதமாக இருக்கும் என்பதைப் புரிந்துகொண்டால், பிரா ஷாப்பிங் மிகவும் எளிதாகிவிடும்.
என்னை பொறுத்தவரை உங்கள் வார்ட்ரோப்பில் (Wardrobe) இந்த இரண்டுமே இருப்பது எல்லாச் சூழ்நிலைகளிலும் உங்களுக்கு உதவியாக இருக்கும்.
இந்த பதிவில் இவற்றுக்கு இடையே உள்ள வித்தியாசங்களை விரிவாகப் பார்ப்போம்!
பெண்கள் அதிகம் படித்தவை: ப்ரா சைஸ் சார்ட் – உங்கள் ப்ரா அளவை எவ்வாறு அளவிடுவது
பேடட் Vs லைட்லி பேடட் பிரா: உங்களுக்கு எது தேவை? (Quick Guide)
உங்களுக்கான பிராவைத் தேர்ந்தெடுப்பது நீங்கள் அன்றாடம் அணியும் உடை மற்றும் சௌகரியத்தைப் பொறுத்தது. இதோ ஒரு எளிய டிப்ஸ்:
| அம்சங்கள் (Features) | பேடட் பிரா (Padded Bra) | லைட்லி பேடட் பிரா (Lightly Padded Bra) |
| பேடிங் அளவு | தடிமனான ஃபோம் லேயர் கொண்டது. | மிக மெல்லிய பேடிங் லேயர் மட்டுமே இருக்கும். |
| தோற்றம் | மார்பகங்களை சற்றே தூக்கி (Lift), கூடுதல் அளவோடு எடுப்பாகக் காட்டும். | மார்பகத்தின் அளவை அதன் இயல்பான வடிவத்தில் காட்டும். |
| பயன்பாடு | சிறிய மார்பகம் உள்ளவர்களுக்கும், கூடுதல் ஷேப் & கி்ளீவேஜ் லுக் விரும்புபவர்களுக்கும் ஏற்றது. | நடுத்தர மற்றும் பெரிய மார்பகம் கொண்டவர்களுக்கும், தினசரி பயன்பாட்டிற்கும் ஏற்றது. |
| சௌகரியம் | பார்ட்டி மற்றும் விசேஷங்களுக்கு அணிய மிகவும் சிறந்தது. | நாள் முழுவதும் அணிவதற்கு மிகவும் சௌகரியமானது. |
| ஏற்ற உடைகள் | பாடிகான் உடைகள், ஈவினிங் பார்ட்டி உடைகள், டீப் வி-நெக் டாப்ஸ் / பிளவுஸ். | அன்றாட டி-ஷர்ட்கள், ஆபீஸ் ஃபார்மல் உடைகள், தளர்வான ஆடைகள். |
பேடட் பிரா (Padded Bra) என்றால் என்ன?
பேடட் பிராக்களின் கப்புகளில் (Cups) ஃபோம் (Foam) அல்லது ஃபைபர்ஃபில் போன்ற மென்மையான லேயர்கள் வைக்கப்பட்டிருக்கும். இது மார்பகப் பகுதிக்கு நல்ல வடிவத்தையும் கூடுதல் அளவையும் (Volume) கொடுக்க உதவும். இந்த பேடிங், பிராவின் கப்பு முழுவதும் சமமாகவோ அல்லது மார்பகங்களை சற்றே தூக்கிக் காட்டுவதற்காக (Lift) அடிப்பகுதியிலோ அல்லது பக்கவாட்டிலோ வைக்கப்பட்டிருக்கும்.
இதன் முக்கிய சிறப்பம்சங்கள்:
- மார்பகங்களுக்கு நேர்த்தியான வடிவத்தையும் முழுமையான தோற்றத்தையும் அளிக்கிறது.
- சிறிய மார்பகம் கொண்டவர்கள், தங்களை இன்னும் எடுப்பாகக் காட்ட இந்த பிரா உதவுகிறது.
- இறுக்கமான ஆடைகளை அணியும்போது, நிப்பிள் வெளியே தெரியாமல் முழுமையான கவரேஜ் தருகிறது.
- லேசான பேடிங் முதல் தடிமனான புஷ்-அப் ஸ்டைல்கள் வரை பல தேர்வுகள் உள்ளன.
- இது இறுக்கமான மேலாடைகள், உடலை ஒட்டிய ஆடைகள் அல்லது ஆழமான கழுத்துப் பகுதி கொண்ட ஆடைகளுடன் மிகச் சிறப்பாகப் பொருந்தும்.
யாரெல்லாம் பேடட் பிராவைத் தேர்ந்தெடுக்கலாம்?
- மார்பகப் பகுதியை இன்னும் எடுப்பாகக் காட்ட விரும்புபவர்கள்.
- நல்ல லிஃப்ட் (Lift) அல்லது கிளீவேஜ் (Cleavage) லுக் தேவைப்படுபவர்கள்.
- மெல்லிய துணிகளால் ஆன ஆடைகளை அணியும்போது கூடுதல் பாதுகாப்பு தேவை என உணர்பவர்கள்.
- சமமற்ற மார்பகங்கள் உள்ளவர்கள், அவற்றை மேலும் சமமாகக் காட்டுவதற்கு இதைப் பயன்படுத்தலாம்.
பேடட் பிராக்களின் வகைகள் (Types of Padded Bras)
ஃபேஷன் மற்றும் உடைகளுக்கு ஏற்ப பேடட் பிராக்களில் பல ஸ்டைல்கள் உள்ளன:
1. புஷ்-அப் பிரா (Push-up Bra)
இது மார்பகங்களைக் கீழ்ப்புறம் மற்றும் பக்கவாட்டிலிருந்து உயர்த்தி, மையப்பகுதிக்குக் கொண்டு வரும். இதனால் லோ-கட் மற்றும் பார்ட்டி உடைகளில் உங்களுக்கு ஒரு அட்டகாசமான லுக் கிடைக்கும்.
2. ஸ்போர்ட்ஸ் பிரா (Sports Bra)
உடற்பயிற்சி செய்யும் போது மார்பகங்களுக்கு அதிக சப்போர்ட் தேவை. பேடட் ஸ்போர்ட்ஸ் பிராக்கள் வியர்வையை உறிஞ்சுவதோடு, வொர்க்அவுட்டின் போது நல்ல சௌகரியத்தையும் தரும்.
3. பிளஞ்ச் பிரா (Plunge Bra)
இதன் கப்புகள் முன்பக்கம் ஆழமான 'V' வடிவில் இருக்கும். டீப் வி-நெக் (Deep V-neck) பிளவுஸ் அல்லது ஆடைகளுக்கு இது கச்சிதமாகப் பொருந்தும்.
4. பால்கோனெட் பிரா (Balconette Bra)
இதில் அண்டர்வையர் மற்றும் ஹாப்-கவரேஜ் கப்புகள் உள்ளன. இது மார்பகங்களை லேசாக உயர்த்தி, அதன் மேல் பகுதியை எடுப்பாகக் காட்டும்.
பேடட் பிராக்களுக்கு ஏற்ற உடைகள்
- பாடிகான் ஆடைகள் (Bodycon dresses)
- ஈவினிங் பார்ட்டி உடைகள் (Evening wear)
- டீப் வி-நெக் டாப்ஸ்/பிளவுஸ்
- மெல்லிய துணியால் ஆன குர்திகள் அல்லது ஷர்ட்கள்
பயனுள்ள பதிவு: பெண்கள் அணியும் டாப் 21 உள்ளாடை (Lingerie) வகைகள்
லைட்லி பேடட் பிரா (Lightly Padded Bra) என்றால் என்ன?
லைட்லி பேடட் பிரா என்பது மிக மெல்லிய பேடிங் லேயரைக் கொண்டது. இது மார்பகத்தின் அளவை பெரிதாக்கிக் காட்டாமல், ஒரு நேர்த்தியான வடிவத்தையும், ஆடைகளுக்குள் ஒரு நல்ல கவரேஜையும் (Modesty) கொடுக்க உதவுகிறது.
இதன் முக்கிய சிறப்பம்சங்கள்:
- மார்பகங்களை பெரிதாக்காமல், அதன் இயல்பான வடிவத்தை அழகாகக் காட்டுகிறது.
- நாள் முழுவதும் அணிவதற்கும், நமது கோடைக்கால வெயிலுக்கும் இது மிகவும் சௌகரியமானது.
- மெல்லிய பேடிங் இருப்பதால் டி-ஷர்ட் போன்ற உடைகளை அணியும் போது நிப்பிள் லைன் வெளியே தெரியாது.
- நடுத்தர முதல் பெரிய மார்பக அளவு (Medium to large busts) உள்ள பெண்கள் வரை அனைவரும் இதை தாராளமாக அணியலாம்.
- டி-ஷர்ட், கேஷுவல் டாப்ஸ் மற்றும் ஆபீஸ் ஃபார்மல் உடைகளுக்கு இது மிகச்சிறந்த தேர்வாகும்.
யாரெல்லாம் லைட்லி பேடட் பிராவைத் தேர்ந்தெடுக்கலாம்?
- மார்பக அளவை அதிகரிக்காமல் இயற்கையான தோற்றத்தை விரும்புபவர்கள்.
- பெரிய மார்பகம் கொண்ட, ஆனால் அதே சமயம் நல்ல ஷேப் மற்றும் கவரேஜ் தேவைப்படும் பெண்கள்.
- சௌகரியத்திற்கும் காற்றோட்டத்திற்கும் (Breathability) முக்கியத்துவம் கொடுப்பவர்கள்.
- தினமும் நீண்ட நேரம் பிரா அணிய வேண்டிய சூழலில் இருப்பவர்கள்.
லைட்லி பேடட் பிராக்களின் வகைகள் (Types of Lightly Padded Bras)
சௌகரியத்தை விரும்பும் பெண்களுக்காக, லைட்லி பேடட் பிராக்களிலும் சில சிறந்த வகைகள் உள்ளன:
1. டி-ஷர்ட் பிரா (T-shirt Bra)
இது டி-ஷர்ட் அல்லது நைட்டி போன்ற மெல்லிய ஆடைகளை அணியும்போது, பிராவின் தையல்கள் வெளியே தெரியாமல் இருக்க உதவுகிறது. பருமனான தோற்றத்தை விரும்பாத பெண்களுக்கு இது சிறந்த தேர்வாகும்.
2. அண்டர்வயர்ட் பிரா (Underwired Bra)
கப்புகளின் கீழ் மெல்லிய ஒயர் கொடுக்கப்பட்டிருப்பதால். இது பெரிய மார்பகம் கொண்ட பெண்களுக்கு மிகச்சிறந்த சப்போர்ட்டை வழங்குகிறது.
3. லேஸ் பிரா (Lace Bra)
விசேஷ நாட்களுக்கு என்றே பிரத்யேகமாக வடிவமைக்கப்பட்டது தான் இந்த வகை பிராக்கள்! அழகான லேஸ் (Lace) வேலைப்பாடுகளுடன் வரும் இவை, உங்களுக்கு ஒரு ஸ்டைலான தோற்றத்தைத் தரும்
4. பிராலெட் (Bralette)
பிராலெட்டுகள் பொதுவாக மிகவும் மென்மையான துணி மற்றும் லேசான பேடிங் கொண்டு, அண்டர்வைர் இல்லாமல் தயாரிக்கப்படுகின்றன. இவற்றை வீட்டில் ஓய்வு நேர ஆடையாகவோ அல்லது ஒரு ஸ்டைலான மேல் ஆடையாகவோ அணியலாம்.
லைட்லி பேடட் பிராக்களுக்கு ஏற்ற உடைகள்
- அன்றாடம் அணியும் டி-ஷர்ட்கள் (T-shirts)
- ஆபீஸ் ஃபார்மல் உடைகள் (Workwear)
- தளர்வான கேஷுவல் டாப்ஸ் (Loose tops)
- கோடைகால காட்டன் உடைகள்
மேலும் அறிய: ப்ராவை சரியாக அணிவது எப்படி: ஒரு முழுமையான வழிகாட்டி
உங்களுக்கு எது சிறந்தது?
சுருக்கமாகச் சொன்னால், 'இதுவா அதுவா?' என்று குழப்பமடையத் தேவையில்லை — இந்த இரண்டு ப்ராக்களையும் உங்கள் அலமாரியில் வைத்திருப்பது புத்திசாலித்தனம். விசேஷங்கள், பார்ட்டிகள் மற்றும் உடலை ஒட்டிய ஆடைகளுக்கு (fitted) பேடட் பிராவையும், ஆபீஸ், கல்லூரி மற்றும் தினசரி வீட்டுப் பயன்பாட்டிற்கு லைட்லி பேடட் பிராவையும் பயன்படுத்தி, ஒவ்வொரு நாளையும் முழு தன்னம்பிக்கையோடும் சௌகரியத்தோடும் எதிர்கொள்ளுங்கள்!